MGA BAG-ONG CITY SCHOLARS MIPAILAWOM SA ORIENTATION

GISUGDAN na sa City Scholarships Office pinangunahan ni CSO Head Richel Petalcurin-Dahay kagahapong adlawa, Septiyembre 5, ang FIOGET (Freshmen Orientation and Get Together) sa mga bag-ong city scholars uban sa ilang mga ginikanan, diha sa Liceo de Cagayan University (LDCU) ug Capitol University (CU), ning siyudad.

Ang LDCU adunay 78 ka bag-ong city scholars, samtang ang CU adunay 327 usab ka mga bag-ong city scholars kinsa mipailawum sa orientation.

Hisayran nga ang sunod schedule sa FIOGET alang na usab sa mga scholars sa Cagayan de Oro College PHINMA, Lourdes College, University of Science and Technology of Southern Philippines (USTP) ug Xavier University.

Kahinumduman tulo ka partner academic institutions ang nadugang karong tuiga. Kini mao ang Golden Heritage Polytechnic College, Vineyard International Polytechnic College ug Informatics Computer Institute-Cagayan de Oro Center, Inc.

Ang FIOGET usa ka tinuig nga school-to-school orientation and assembly diin ipaila-ila ang mga bag-ong batch sa city scholars ug tudloan sila sa mga palisiya ug gabayan sa city scholarship program. (NLB/CIO/photos by Jay Arancon/CIO)